San Micheleto

La gente de San Michel
Al so Arcangelo la ghe devota,
Ricordà da tuti a difesa
Con un monumento
In piassa dela Cesa.
Con in man na spada
Su 'na colona de piera:
La gente passa, ghe da un'ociada
Disendoghe 'na preghiera.
A lu i Sanmichelati
I ghe tanto vissini
I fa tridui e voti
E ghe impissa i lumini.
Con 'na scrita sul monumento
"Defende nos in proelio"
Lè sempre vigile e atento
A proteger el viandante
Che par strada sicuro el se sente
Pelegrin fra la gente
Savendo un po' la so storia
I ricorda quel momento
De Napoleon, omo de statura bassa
Con la so ciurma
El fasea de tuto manbassa
Passando el tempo
Sempre al sol, a la piova, al vento,
Ghe sa rosegà el naso,
Ghe sa destacà un'ala.
Un grupo de sportivi, sempre de corsa
I ga messo man a la borsa.
Du bravi artigiani,
Con gesso e scaiola
I ga fato de novo i tochi.
La gente contenta lo guarda,
Con na vanesa de fiori
Na sesa de sempreverdi
I ga fato 'n'aiola.