El tarlo e la tarma

Un tarlo, rosegando l'armaron
El ga fato la so tana
E...rosega e...rosega
Par sentirse al sicuro
El lavorava sempre al scuro.
Forsa de dai el ga fato un buseto
...Metendo fora l'oceto
El ga visto 'na bela tarma
Infilada soto un rever de lana.
"Sa feto belessa", el ghe dise el tarlo
"Ho Sentì dir che domani,
Col batipani, i te da 'na scorladina
E i te profuma de cabonina."
"A mi quel che dise la gente
Non me ne importa gnente,
Mi fasso e digo quel che go in mente,
Sotto i reveri mi vao a balar
En compagnia de amici
son sempre fora a magnar."
El tarlo el pensa:
La se crede de essar nel giusto,
Con 'ste stocade la ghe prova gusto.
Lu, tasendo l'ascolta
Fusse che fusse 'na bona olta
De meterla in moia 'sta pantomina.
La crede de essar furba
A ciucciar el dolso de 'na mentina,
Ma dentro i ga messo la carbonina.